“Асыҡ йөрәктәр иле”

Балын яратһаң бәләһен дә ярат, ти халыҡ. Яҙ башынан ҡорттары менән булыша Рәфҡәт олатай. Алтынға бәрәбәр ризыҡ батманға төшкәнгә тиклем оҙайлы һәм ҡатмарлы юл үтә. Умартасылыҡ эшен яңғыҙ ғына атҡарыуы еңелдән булмаҫ ине, әлбиттә. Йәш тә, сәләмәтлек торошо ла ни тиһәң дә үҙенекен итә. Ҡырҡ һигеҙ йыл бергә донъя йөгөн тартҡан ҡатыны Мәҙинә Ғәббәс ҡыҙы ғаилә башлығының алыштырғыһыҙ ярҙамсыһы. Бал ҡортоноң үҙе кеүек егәрле һәм сос Моталовтар хаҡында иртәгә ҡарағыҙ.