Оҫталыҡ дәресе.

14 апрель көнө мөмкинселектәре сикләнгән балалар тәрбиәләгән әсәйҙәр “Нур” йәш үҫмерҙәр клубында оҫталыҡ дәресенең дауамына йыйылдылар. Сағыу , зауыҡлы салфеткалар эшләү серҙәренә район инвалидтар ойошмаһының ағзаһы Бактыбаева С. төшөндөрҙө.

Эш барышында ҡатын- ҡыҙҙар халыҡ медицинаһы менән дауалау ысулдары менән бүлеште, йәш саҡтағы йырҙарҙы иҫкә төшөрҙө. Улар бер-береһе менән аралашып, тәжрибәләр менән уртаҡлашып, яңы көс, илһам, дәрт алып таралышты.

Ғөмүмән, матур, сағыу, ҙур һөйөү менән эшләнгән ҡул эштәре матурлыҡҡа әйҙәй, йәшәүгә дәрт өҫтәй, күңел күтәренкелеге бирә.