Хуш, хәйерле Рамаҙан!

Хөрмәтле мосолман ҡәрҙәштәр, райондаштар!

Һеҙҙе изге Рамаҙан айының тамамланыу һәм Ураҙа ғәйете айҡанлы изге күңелдән ҡайнар ҡотлайым!

Ураҙа байрамы рухи таҙарыныуҙы, тыныслыҡ һөйөү һәм миһырбанлыҡты, изге эштәр ҡылыуҙы кәүҙәләндерә. Бындай ҡиммәттәр бөтә дин кешеләренә лә берҙәй яҡын һәм аңлайышлы, тыныслыҡ һәм татыулыҡтың нигеҙе булып хеҙмәт итә.

Ураҙа байрамы һәр йортҡа йылылыҡ һәм шатлыҡ-ҡыуаныстар алып килһен, яңы көс-дәрт һәм ижади хеҙмәт өсөн илһам бирһен.

Бөтәгеҙгә лә һаулыҡ, бәхет һәм тыныс тормош насип булһын! Изге башланғыстарығыҙҙа, иманлы эштәрегеҙҙә уңыштар юлдаш булыуын теләйем!